» » Хапытаалынай өрөмүөнү ыытыы туһунан иһитиннэрии.

Хапытаалынай өрөмүөнү ыытыы туһунан иһитиннэрии.

Хапытаалынай өрөмүөнү ыытыы туһунан иһитиннэрии.

Билигин хапытаалынай өрөмүөн программатын туһунан обществоҕа дьиҥнээх кырдьыкка олоҕурбатах информациялар тарҕаналлар. Мөлүйүөнүнэн Россия гражданнарыгар олох-дьаһах усулуобуйатыгар хас биирдии киһи өйдөөбөт түгэннэрэ тахсаллар. Биһиги региоммут онтон туора турумуон сөп. Биһиги республикабыт олохтоохторо сорохторо сымыйа информацияннан салайтараллар. ЭКОДь ХӨ ыытар Фонда региональнай программанан салайтаран үлэлиир. Киниэхэ квартиралары бас билээччилэр бэйэлэрин баҕаларынан кыттыһан хас биирдии киһитус баҕаларынан усунуос төлүүллэр.

Балаһыанньаны уонна үлэ усулуобуйаларын чуолкайдык билсиһинэрэр иннигэр хапытаалынай өрөмүөн туһунан биһиги куруук бэриллэр боппуруостар испииһэктэрин оҥоробут уонна онно эппиэттэрин түмэбит.

2012 сыл РФ олох-дьаһах кодексатыгар эбиилэр уонна көҕүрэтиилэр киирбиттэрэ. Онно этиллэринэн хапытаалынай өрөмүөн иһин квартираны бас билээччилэр хайаан да усунуостарын бириэмэтигэр төлүөхтээхтэр. Усунуоһу хомуйуу 2014 сыл бэс ыйын бастакы күнүттэн саҕаламмыта. Хапытаалынай өрөмүөн иһин төлөбүр син биир атын төлөбүрдэр курдук эбэһээтэлинэй. Квартираны бас билээччи усунуоһу уопсай счекка уган мунньууга бэйэтэ хайаан да улахан интэриэстээх буолуохтаах.

Учуотунаһы чуолкайдыыр инниттэн Саха Республикатын баһылыгынан 30. 12. 2003сыл 2433 нүөмэрдээх отут сылга былааннаммыт ЭКОДьХӨ ыытыыга бигэргэммит уурааҕа тахсыбыта.Бу региональнай хапытаалынай өрөмүөн программатыгар элбэх квартиралаах дьиэлэр олоччу киирбиттэрэ. Арай эргэрэн эмэҕирэн туһаттан тахсыбыт аварийнай дьиэлэр киирбэтэхтэрэ. Сыл аайы бу региональнай программа улахан туһалааҕа дьоҥҥо-сэргэҕэ улаатан иһэр.

1.Боппуруос: Хапытаалынай өрөмүөн усунуоһун кээмэйэ хайдах быһаарыллар?

Эппиэт:Усунуос элбэх квартиралаах олорор дьиэҕэ саамай кыра кээмэйэ хапытаалынай өрөмүөнү хапытаалынай өрөмүөн уопсай ороскуоттарын түмэн суоттаан оҥоһуллар. Онно толоруллар үлэлэр көрүҥнэрэ олоччу хабыллаллар. Итиннэ бүтсүөттэн көрүллэр финансивания араас көрүҥнэрэ эмиэ учуоттанар. Тохсунньу бастакы күнүн 2018 сыллаах РФ ХКХ министерствота саҥа сыананы суоттаан хапытаалынай өрөмүөҥҥэ оҥорбута. 23 солкуобай биир квадратнай миэтэрэҕэ ирдэнэрэ Саха сирин олохтоохторугар аһара элбэх. Маннык төлөбүрү кыайбакка республикаҕа хапытаалынай өрөмүөн программата тохтуон сөп. Ол иһин квартиралары бас билээччилэргэ биир квадратнай миэтэрэҕэ мас дьиэҕэ 3 солкуобай 75 кэппиэйкэ, лиибэ суох таас дьиэлэргэ 6 солкуобай 25 харчы, лииптээх таас дьиэлэргэ 8, 30 харчы кээмэйи туһанарга сөбүлэһии оҥоһуллубута.

2.Боппуруос: Пенсионердарга чэпчэтии баар дуо?

Эппиэт: Оҥоһуллубут сокуоҥҥа олоҕуран региональнай программа чэрчитинэн ЭКОДьХӨ иһин бука бары усунуоһу төлүүр эбээһинэстээхпит.Усунуос төлөөччүлэр хамнастан усунуос уопсай кээмэйэ 15 бырыһыан үрдүк буоллаҕына олох дьаһах управлениятыгар Субсидия агенствотыгар субсидия туруорсуутугар сайабылыанньа биэрэллэр. Өскөтүн гражданин 70 сааһын туолбут буоллаҕына 50 бырыһыан 80-ун туолбут буоллаҕына 100 бырыһыаннаах чэпчэтии субсидия көрүллэр. Манна бас билээччи соҕотох эбэтэр пенсионнай саастаах бииргэ олорор дьиэ кэргэн үлэлээбэт чилиэнэ баар буолуон сөп. Бу компенсацияны ылыыга СР ГКУ субсидия агенствотыгар сайабылыанньа суруллар. Компенсация кээмэйэ субсидия саамай кыра кээмэйинэн көрөн дьиэ уопсай квадратнай миэтэрэтигэр суоттанан олох дьаһах министерствота оҥорбут сокуонунан салаллан оҥоһуллар. Ити курдук хапытаалынай өрөмүөн иһин төлөбүр уларыйбат хайаан да төлөнөр. Манна оҥоһуллубут ороскуот иһин толору эбэтэр сорох чааһа субсидияланалларын туһунан этиллэр.

3.Боппуруос: Хапытаалынай өрөмүөн иһин ханна төлөнүллэр.

Эппиэт:Хапытаалынай өрөмүөн фондата тэриллэрин туһугар квартираны бас билээччи региональнай операторга эбэтэр ханнык банковскай счекка төлөбрү усунуос төлүүргэ туһанарын бэйэтэ быһаарар. Бас билээччи ханнык счекка төлүүрүн олохтоохтор уопсай мунньахтарынан быһаараллар. Бас билээччилэр баан специальнай счетугар төлүүр буоллахтарына счету хайа бааҥҥа арыйалларын бэйэлэрэ элбэх картиралаах дьиэ олохтоохторо уопсай мунньаҕынан быһаараллар. Өскөтүн бас билээччилэр быһаарыыларынан хапытаалынай өрөмүөн иһин специальнай счекка арыйдахтарына, Региональнай оператортан тутулуга суох дьиэ хапытаалынай өрөмүөнүн болдьоҕун быһаараллар. Региональнай оператор дьиэ өрөмүөнүн болдьоҕун ыйбыт кэмиттэн харчы төһө мунньуллубутуттан көрөн хапытаалынайөрөмүөн испииһэгэр баар программаҕа киирбит үлэлэри түмэн ыытар бырааптаахтар. Бас билээччилэр өрөмүөнү ыытар бэдэрээччити Региональнай программаҕа сөп түбэһиннэрэн уочараттара кэллэҕинэ бэйэлэрэ булаллар уонна бэйэлэрэ хонтуруоллууллар. Хапытаалынай өрөмүөҥҥэ туттуллуохтаах харчыны Региональнай оператор атын сыалга туттара бобуллар. Региональнай оператор ЭКОДь усунуос бириэмэтигэр хомуйалларын, хапытаалынай өрөмүөн хаачыстыбалаахтык толоруллуутун, болдьоҕор өрөмүөн бүтэрин хааччыйыахтаах. СР олох дьаһах министерствота, СР Госгостройжилнадзор Фонда үлэтин хонтуруоллуур. Фонда бүтсүөт учреждениятын быһыытынан аналлаах нормативтарга олоҕуран тутуллар.

4.Боппуруос: Хапытаалынай өрөмүөн иһин тоҕо усунуос төлүүбүт?

Эппиэт: Хапытаалынай өрөмүөн иһин төлөбүр Саха республикатыгар 01.07.2014 сылтан хайы-үйэ төрдүс сылын киирбитэ. Сокуону билбэт буолуу эппиэтинэстэн босхолообот. Усунуос хайаан да төлөнүөхтээх. Өссө төгүл санатабыт сокуону билбэт буолуу эппиэтинэстэн босхолообот. Социальнай сеттэринэн, батсаабынан чуолкайа суох сымыйа сурахтар арыт тарҕаналлар. Итиннэ эппиэт боростуой, хапытаалынай өрөмүөн иһин усунуос хайаан да төлөнүөхтээх. РФ Конституционнай суутунан 12.04.2015 сыл хапытаалынай өрөмүөн иһин төлөбүр оҥоһулларын бигэргэппитэ. Хас күн аайы хапытаалынай өрөмүөн иһин программа сөптөөҕүн өйдүүр гражданнар элбээн иһэллэр.

5.Боппуруос: Хапытаалынай өрөмүөн иһин төлөбүртэн аккаастаныахха сөп дуо?

Эппиэт: Российскай Федерация 169 ыстатыйатынан олох дьаһах кодексатыгар квартираны бас билээччилэр ый аайы усунуостарын хайаан да төлүөхтээхтэрин ыйар. Хапытаалынай өрөмүөн иһин усунуостан ким да босхолонор кыаҕа суох. Өскөтүн хапытаалынай өрөмүөн иһин усунуоһу кыайан төлөөбөтөххө ол киһиэхэ пеня ааҕыллар уонна сууттаһыы ороскуоттарын төлүүргэ күһэллэн ороскуот өссө элбээн тахсар.

6.Боппуруос: Абаарыйа буолар кутталлаах дьиэлэр.

Эппиэт: Өскөтүн хапытаалынай өрөмүөҥҥэ региональнай программаҕа хабыллар дьиэлэр уонна абарыйа буолар куттала суох дьиэлэр усунуостара хайаан да төлөнүөхтээх. Өскөтүн дьиэ аварийнай туруктааҕа анал тэрилтэнэн дакаастаннаҕына ол күн кэлэр ыйыттан усунуос төлөнөрө тохтотуллар. Хапытаалынай өрөмүөн иһин төлөнүллүбүт усунуос харчыта дьиэни көтүрэн усунуостуурга анаан бас билээччигэ олоччу төнүннэриллэр.

7.Боппуруос: Пеня хайдах ааҕылларый?

Эппиэт:Пеня туһунан боппуруос куруук баар буолар. Квартираны бас билээччилэр ый аайы усунуоһу төлүүбүт пеня тоҕо ааҕылла турарый? Усунуос ый аайы ыйыллыбыт болдьоххо ый уон чыыһылатыгар диэри төлөнүөхтээх. РФ олох дьаһах кодексатынан 12.07.2016 сылтан бириэмэтигэр төлөммөтөх усунуос иһин сарсыҥҥы күнүттэн пеня ааҕыллыбытынан барар. Урут усунуоһу 31 чыыһылаҕа диэри төлөнүллэрэ. Билигин хас ый аайы уон чыыһылаҕа диэри төлөнүллүөхтээх.

8.Боппуруос: Хапытаалынай өрөмүөн ыытыллыар диэри ханнык бириэмэҕэ диэри усунуос хомулларый?

Эппиэт:Хапытаалынай өрөмүөн иһин усунуоһу хомуйуу элбэх квартиралаах олорор дьиэлэргэ регинальнай программаҕа олоҕуран ый аайы 30 сыл болдьохтоох өрөмүөн ыытыллыар диэри хапытаалынай өрөмүөн ыытыллыбытыттан тутулуга суох төлөнүөхтээх. Эбэтэр дьиэ эргэрэн эмэҕирэн аварийнай, диэн анал толорор олохтоох уорганнарынан билиниллиэр диэри. Дьиэ турбут миэстэтин государственнай эбэтэр муниципальнай бас билиигэ бэриллэр.

9.Боппуруос: Ханнык сылга хапытаалынай өрөмүөн былааннаммытын хайдах билэбит?

Эппиэт: Хапытаалынай өрөмүөн хаһан ыытылларын СР ЭКОДь ХӨ ыытар фонда сайтыттан dom fondkr.ru/dom.

10.Боппуруос: Мин хапытаалынай өрөмүөҥҥэ тиийэ олорбоппун.

Эппиэт: Өскөтүн дьиэ гражданин бас билиитигэр буоллаҕына, кини бэйэтин бас билиитин толору бэйэтэ дьаһайар бырааптаах. Ол иһигэр атыылыыра, бэйэтин бииргэ төрөөбүттэригэр бэлэхтиирэ бэйэтин көҥүлэ. Оттон төлөммүт усунуос хапытаалынай өрөмүөн фондатыгар киирэр. Онон бу усунуос бириэмэтигэр ыытыллыбыт хапытаалынай өрөмүөн эһиги дьиэҕит сыанатын үрдэтэргэ туһанаҕыт.Олох дьаһах министерствотын 158 ыстатыйатыгар сөп түбэһиннэрэн инники бас билээччиттэн ылбыт бас билээччи атыыласпыт киһи эбэтэр нэһилиэнньиккит хапытаалынай өрөмүөн иһин усунуоһу салгыы төлүүр. Онон эһиги бааргыт тухары төлөөбүт усунуоскут атыыласпыт бас билээччигэ эбэтэр нэһилиэнньиккитигэр хаалар уонна кинилэр салгыы төлүүллэр. Онон атыыласпыт киһи эбэтэр нэһилиэнньиккит эһиги иэскитин төлүүр. 4 тыһыынчаттан ордук буоллаҕына суутунан төлөбүр пеняны уонна региональнай оператор суукка көрсүбүт ороскуоттарын олоччу төлүүр. Өскөтүн приватизацияламмыт дьиэни бас билээччи государственнай эбэтэр муниципальнай бас билээччигэ биэрдэҕинэ атыыласпыт тэрилтэ государственнай эбэтэр муниципальнай тэрилтэ салгыы усунуоһу төлүүр.

ЭКОДь ХӨ пресс киинэ.


Поделиться